Largimi i këngëtarëve kosovar nga festivali “Kënga Ime” në Tv Klan nuk është rasti i parë. Rreth tetë vite më parë ishte këngëtarja Leonora Jakupi që kundërshtoi pjesëmarrjen e këngëtarit Hari Mata Hari që këndoi në Prishtinë. Ai në vitin 2006 jo vetëm që këndoi aty, por e quajti Kosovën – “Kosova i Metohija”. Kjo pjesëmarrje e Mata Harit në atë kohë u kundërshtua vetëm nga Leonora Jakupi. Mata Hari i dha çmimin Jakupit kjo e fundit iu përgjigj pas marrjes së çmimit se ajo është e Kosovës dhe jo e Kosova e Metohija. Ditët e fundit ka nisur një debat i madh në lidhje me pjesëmarrjen e Zdravko Çoliç në spektaklin e televizionit Klan. Shumë këngëtarë janë ndier të fyer dhe janë larguar nga eventi.