I nderuar lexues! Pika më e thellë e detit Jon gjendet në pjesën jugore të tij, në perëndim të kepit Matapan të Peloponezit. Kjo pikë ka thellësinë 5121 metra dhe është njëkohësisht edhe thellësia më e madhe e detit Mesdhe. Ja disa të dhëna të tjera për detin Jon: në veri bashkohet me detin Adriatik me anë të kanalit të Otrantos, ndërsa në perëndim me detin Tirren me anë të ngushticës së Mesinës. Në detin Jon ndodhen ishujt jonianë: Korfuzi, Lefkasi, Qefalonia, Itaka, Zakintosi dhe ishuj të tjerë më të vegjël. Bregdeti shqiptar i Jonit është shkëmbor dhe ndërpritet nga një sërë përrenjsh, të cilët kanë krijuar plazhe të vogla mjaft piktoreske.