A po i vjen fundi Shengenit? Lëvizjet zinxhir në Evropë dhe paralajmërimi i Gjermanisë

Gjermania që është pritësi më i madh i azilkërkuesve paralajmëron se zona Shengen është në rrezik, pjesë e të cilës është edhe Shqipëria.

Reagimi erdhi pasi Suedia dhe Danimarka vendosën kontrolle në kufi. Shteti suedez do të kontrollojë hyrjen e njerëzve nga Danimarka dhe kjo e fundit nga Gjermania.

“Liria e lëvizjes është një princip i rëndësishëm, një nga arritjet më të mëdha të Bashkimit Europian në vitet e fundit. Schengen-i ka vlera të mëdha, por gjendet në rrezik”, deklaroi zëdhënësi i ministrit të Jashtëm gjerman Martin Schaefe, kur ai u pyet për kontrollet që Danimarka dhe Suedia kanë nisur në kufijtë e tyre.

Sipas AFP, liderët evropianë e konsiderojnë situatën mjaft shqetësuese.

Kurse Steffen Seibert, zëdhënësi i kancelares gjermane Angela Mergel u shpreh se lëvizja e lirë në 28 vendet e BE-së varej nga ruajtja më e mirë e kufijve. “Na duhet një strategji e përbashkët. Është e nevojshme ti bëjmë ballë kësaj krize të vështirë”.

Reagimi vjen pas Norvegjia, pjesë e zonës Shengen vendosi javën e shkuar që të kontrollonte hyrjen e qytetarëve nga fqinji iu saj, Suedia. /Dita/