Abi bëhet urbanist

Ai ështëdhëndri i Berishës dhe së fundi është votuar si Anëtar i Këshillit Kombëtar të Partisë Demokratike. Para zgjedhjeve të 23 qershorit nuk ndihej, a thua se gjithçka shkonte vaj në këtë vend.

Ndërsa u bë një vit që nuk pushon në Facebook. Denoncon çdo gjë që e quan padrejtësi, dhe mirë bën, por diçka të ngjashme duhet ta bënte edhe një vit më parë, nëse do e karakterizonte vërtet shpirti për të bërë gjëra të mira në këtë vend. Jamarbër Malltezi, pasi deklaroi që do të kontribuojë për ardhjen në pushtet të Partisë Demokratike, bën një status në profilin e tij në rrjetin social, ku bëhet ekspert urbanistike.

“Arroganca dhe pacipësia me pushtetin nuk njeh kufi. Ndërsa qytetarëve dhe fermerëve u prishen deri dhomat frigoriferike në fshat dhe çohen në burg për kinse ndërtim të paligjshëm, Vangjushi në Durrës nuk mjaftohet me 10-katësh të kundraligjshëm tek Shkëmbi i Kavajës, por po ndërton pistë të kundërligjshme tek “Vollga”. Kjo pistë dhunon disa ligje (planifikim territori, mjedisi, leje mjedisore, trashëgimia kulturore, etj.) dhe dhunon vijën bregdetare që mund të shkaktojë edhe më shumë erozion bregdetar dhe cenim të cilësisë së ujit të detit, por për Edin, Koçon apo Vangjushin nuk ekziston ligji; ose nëse i cenon interesin,ligji shpallet i pavlefshëm”, shkruan Abi.

Mos të harrojmë që Abi kur ishte drejtor i një projekti të BB për jugun bëri masakër urbane me zonat bregdetare. Dhëndri është bërë bilbil nga goja, i cili me sa duket po stërvitet të bëhet ministër i Punëve Botore, nëse PD do të fitojë ndonjë herë pushtetin…