Dhëndri i Berishës ankohet për prishjet

Dhëndri i Sali Berishës, i cili nuk qëndron edhe aq në hije dhe në heshtje për sa u përket lëvizjeve të qeverisë se re,  këtë radhë është duke reaguar për prishjen e ndërtimeve pa leje. Këtë herë, jo në mesazhin e Artanit (Hoxhës) po në Facebook , ai është shprehur i shqetësuar dhe ka ngritur një sërë pyetjesh. “Po shohim shfaqje me prishjet e ndërtimeve pa leje, por ai që prish ndërtimet e të tjerëve ka 5 muaj që po ndërton vetë , pa leje tek Kryeministria , pa tender,  pa projekt,  pa vlerë fondi projekti, me para të dyshimta,  dhjetëra kamionë, ekskavatorë dhe punëtorë dhe  fonde dhurata miliona euroshe të padeklaruara. Standard i dyfishtë i turpshëm”, shkruan Abi Malltezi . Më tej, ai rendit një sërë procedurash se si mund të prishet një ndërtim pa leje (Sepse është nona, i di të gjitha). Ai është i shqetësuar po ashtu se ku shkojnë inertet e depozituara, pasi, sipas tij, në Shqipëri nuk ka një vend depozitimi të certifikuar sipas standardeve evropiane për to. Ndër të tjera jep shembuj pallatesh që duhen shembur e përmend emra. Sa i informuar Abi për të gjitha këto, mos ka ndërtuar vetë ndonjë pallat dhe ka frikën e fadromës… apo. Diç ia nxit kotësisë kuptimin në këtë histori!