Mazhoranca në komisionin e ligjeve ka miratuar vetëm me votat e saj që projektligji për Administratën Gjyqësore të votohet në Parlament me shumicë të thjeshtë.
Propozimi është bërë nga deputeti demokrat Enkelejd Alibeaj ndërsa deputetët e opozitës nuk morën pjesë në votim.
Deputetët e PS-së akuzuan mazhorancën se po shmang opozitën duke vendosur diktaturë.
“Shumica po injoron konsensusin me opozitën, kjo gjë është antikushtetuese” theksoi deputeti Damian Gjiknuri.
Në replikë me të, deputeti demokrat Alibeaj ka thënë se mazhoranca po ndjek të njëjtën strukturë si në kohën kur PS-ja ishte në pushtet.
Ndërsa, kreu i komisionit të ligjeve Ilir Rusmajli ka ironizuar duke thënë se opozita e ka inat konsensusin.
Ndërkohë Komisioni i Ligjeve po diskuton nen për nen projektligjin për administratën gjyqësore.
i bejne gjerat shpejt e shpejt se duan te mbajne ne administrate ata qe kane vendosur vete pasi hoqen njerezit e ndershem ne administrate dhe vune hajdutet dhe te kurruptuarit.
shtet banditesh.