Administrata publike nën presionin e votës dhe një letër për çfarë po ndodh me policët e burgjeve

Administrata publike dhe punonjësit e saj përbëjnë fokusin kryesor të presionit të votës. Evidentimi në listat e votuesve dhe i shpërndarjes së tyre në zonat elektorale është momenti i parë dhe i rëndësishëm i fazës përgatitore në funksion të zgjedhjeve parlamentare për çdo strukturë të kampit blu. Afrimi i zgjedhjeve të 23 qershorit ka angazhuar maksimalisht përfaqësuesit e grupseksioneve të Partisë Demokratike në të gjithë vendin. Porosia e vetë kreut të saj është pikërisht verifikimi dhe kontakti i drejtpërdrejte me të gjithë punonjësit e administratës. Mesazhi i qartë: votë e padiskutuar për të djathtën. Kështu,  i përqendruar më së shumti ky proces në qytetet kryesore të vendit, ku dhe administrata ka një numër të konsiderushëm punonjësish, kupola blu ka përcjellë manualin me  mënyrën sesi do të zhvillohet kjo fazë e punës për të gjithë strukturat drejtuese dhe përfaqësuesit e tyre. Por, vëmendja është në kryeqytetin shqiptar. Të gjithë anëtarët e grupseksioneve në Tiranë kanë nisur të bëjnë kontrollet e posaçme në listat e votuesve, ku fillimisht me listprezencën e të gjithë punonjësve të administratës bëjnë verifikimin e tyre në këto lista. Pas përcaktimit të zonave ku do të votojnë këto punonjës të administratës, vjen dhe hapi i radhës. Secili nga grupet e punës që po ngrihet në terren, do të pajiset me emrat dhe me qendrën e votimit për secilin, duke nisur dhe kontaktet me to. Kontakte këto të cilat në të shumtën e rasteve do të jenë të drejtpërdrejta, por pa pëjashtuar këtu dhe ndonjë mënyrë tjetër për të bërë të mundur përçimin e mesazhit për destinacionin final të votës. Ndërkohë që veç kësaj kategorie votuesish, strukturat partiake do të nisin punën dhe për kategori të nhdryshme të zgjedhësve shqiptarë, me qëllim që të kërkojnë votënm për koalicionin e djathtë në garët e ethshme të 23 qershorit.

Letra e kreut te Sindikates Policore

Valentin Macaj, kryetar i Sindikates se Sherbimeve Policore te Shqiperise, na ka dërguar via e-mail tekstin e mëposhtëm:

“Sindikata e Sherbimeve Policore  denoncon presionin qe ka filluar ndaj Punonjesve te Policise se Burgjeve ne gjithe institucionet penitenziare te vendit nga ana e drejtuesve te tyre ,te cilet kerkojne me ngulm   qe cdo polic te paraqitet neper shtabet elektorale te kandidateve te maxhorances per te deklaruar listen e familjareve qe jane madhore per te votuar. Drejtoret e burgjeve respektive perfshire dhe shefat e policive te burgjeve, jane kthyer ne kamikaze te politikes duke shkelur keshtu ligjin nr.10032 “Per Policine e Burgjeve”, Kushetuten e Republikes si dhe Kodin e Etikes se Policise Europiane mbi pa anesine e sherbimeve te rendesise jetike. Ne menyre te perseritur, antaret tane ne policine e burgjeve kerkojne qe Sindikata te denoncoje presionin qe “nr.20 i listes se Tirones” se bashku me  shefa e vartes te tjere politike neper rrethe po bejne ndaj punonjesve hallexhinj , te cilet nuk mund te perballojne ushqimin e familjes nga paga qe marrin cdo muaj. Para se “nr.20 i listes se Tirones”te beje presion ndaj Policise se Burgjeve, duhet te dije se :  1.Policia e burgjeve ka 6 vite qe nuk merr  uniforme sherbimi e civile sipas ligjit. 2.Policia e burgjeve ka 7 vite qe nuk merr trajtim ushqimor sipas ligjit. 3.Policia e burgjeve ka 8 vite qe nuk merr kompensim transporti. 4.Policia e burgjeve nuk paguhet vjetersine ne pune. 5.Policia e burgjeve nuk perfiton kompensim vjetor te pages se 13-te. 6.Policia e burgjeve nuk mbrohet nga Kontrata Kolektive e Punes dhe Kontrata Individuale  7.Policet e burgjeve nuk perfitojne grada sipas ligjit, por sipas xhepit…. dhe shume te drejta  qe jane te parashikuara nga ligji e Kodi i Punes ne Republiken e Shqiperise. Bejme me dije opinionin publik  e faktorin nderkombetar, se Policia e Burgjeve eshte plotesisht nen presionin politik te drejtuesve te saj dhe frika e ndeshkimit me largim e transferim nga detyra po tmerron te gjithe punonjesit e thjeshte...”