Në pritje të vizitës së Papa Franceskut, Policia e Shtetit, shërbimet inteligjente dhe forcat e ndërhyrjes së shpejtë kanë marrë situatën e rendit në dorë.
Dita sjell foto të realizuara sot në aeroportin e Rinasit, ku vihen re forca të sigurisë të cilat janë vendosur në tarracat e godinave të larta përreth aeroportit për të garantuar jetën e Papës dhe të stafit që e shoqëron.
Gjithashtu edhe Policia Rrugore ka rritur masat për të mos bllokuar lëvizjen e makinave në këtë aks. /E.K