Jane shtuar tepër ne Shqiperi ata që mendojnë se mund të bëjnë sa kanë në dorë pa u hyrë ferrë në këmbë aq më tepër kur kanë një post a pozicion shtetëror, një karrike ku dikush i ka ndihmuar të ulen. Kjo lloj specieje harron se vjen një ditë dhe do të paguajë , se asgjë nuk shkon për në atë dynja. Harron se shkelja e ligjit është një mballomë që nuk të hiqet ndër vite e një ditë të bukur të bën të vjellësh rëndshëm, bile nga qafa.
Partia solli në qarkun e Dibrës për prefekt zotin Sharku . Shumëkush e dinte se është “ i binduri i partisë” . Kishte qenë dhe deputet, por asnjëherë nuk kishte folur.Të paktën kështu del po të gërrmosh në internet për të gjetur “ skuadrën” e 16 deputetëve memecë për një mandat. Po për partinë në pushtet rëndësi ka të qënit “Jesmen”.
E ky , prefekti pra, vuri re se në administratë kishte dhe dy të majtë, njëri në Burrel , në nëprefekturë dhe tjetri në Peshkopi në aparatin e prefekturës. Për “fatin e keq” të tyre e “fatin e mirë” të prefektit këta dy punonjës ishin dhe anëtarë këshilli përfaqësues të opozitës .Kishin cen në biografi e duheshin hequr. Merr guximin të artikulojë ashtu si e mendonte qëllimin e largimit nga puna : “ Jeni të majtë e nuk mund të punoni në një qeverisje të djathtë , do të ktheheni në punë kur të fitojë e majta. Është shteti ynë , kemi fituar për të punësuar njerëzit tanë”. Pasi nuk e realizon këtë skenar bën vendimet e stisura të largimit nga puna me shpifje ordinere të denja për shpifarakë province.
Vendimet e largimit nga puna u bënë natën e vitit të Ri 2012. Fillojnë kalvaret në gjykata. Gjykata e rrethit gjyqësor Dibër me vendimin nr. 183 , datë 04.04.2012 e detyron Institucionin e prefektit të paguajë 18.5 paga dhe shpenzimet e gjyqit për largim të paligjshëm nga puna. Këtë vendim e lë në fuqi dhe gjykata e Apelit Tiranë me vendimin e formës së prerë numër 290 , datë 07.02.2013.
Po kështu gjykata e rrethit gjyqësor Mat me vendimin nr. 196 , datë 22.05.2012 detyron Institucionin e Prefektit të paguajë 18.5 paga , shpenzimet gjyqësore dhe ato për një avokat. Këtë vendim e la në fuqi dhe gjykata e Apelit Tiranë me datë 05.02.2013.
Dy vendime të formës së prerë trokasin në dyert e prefektit. Janë rreth 20 milionë lekë që duhen paguar nga buxheti i shtetit, për heqjen e paligjshmë nga puna të dy punonjësve. Për 18 muaj e gjysëm duhen paguar nga dy paga për dy vende pune. Për një aluçinacion të prefektit shteti duhet të nxjerrë nga buxheti shumën e mësipërme.
Por prefekti nuk e vë ujin në zjarr. Nuk do të të paguajë vendimet gjyqësore të formës së prerë , nuk do t’i përgjigjet urdhërave të ekzekutimit të gjykatave Dibër e Mat , apo përmbarimit që ka nxjerrë Urdhërat e Ekzekutimit .
Në Tiranë , ditën për diell , përmbarimi me një shpurrë policësh nxorri nga shtëpitë në qiell të hapur 14 familje. Po zbatojmë vendimin e gjykatës , thanë ata. Ky është shteti ligjor. Në Dibër shteti ligjor ka ngrirë.
Ndërsa në dyert e Prefektit të Qarkut Dibër kanë trokitur dy përmbarues ai shtetëror i Dibrës dhe ai privat i Matit, prefekti hesht. Nuk e ka ndër mend të zbatojë vendimet e gjykatës. Të takosh prefektin e Dibrës në zyrën e tij , është ngjarje. Jo se nuk pret njerëz , por rrallë vjen aty. Një ditë në muaj , thonë punonjësit e tij. Ka dhe probleme të tjera ai , mbledhje në Tiranë , në Qeveri , në Ministri e të tjera e të tjera.
Vjen hallexhiu nga Mati e kërkon të dijë se si do t’i vejë halli ekzekutimit të vendimit të gjykatës , pasi ka 17 muaj pa punë e ato lekë që do të marrë i ka pothuajse borxh. Nuk takon dot prefektin , ndonëse e pret një javë të tërë nga e hëna në të premte. Takon një specialist , të autorizuar , pikërisht atë specialist që është larguar nga prefektura me vendime të gjykatave të të gjitha shkallëve për shkelje të rëndë të ligjit dhe është rimarrë në punë për “ meritokraci partiake” , atë specialist që në jetën e tij ka dëshirë të bëjë shumë punë , si të punojë në prefekturë e njëkohësisht të jetë anëtar komisioni në tendera , të punojë në prefekturë , por të bëjë dhe ndonjë gjyq privat si avokat , atë specialist që kohët e fundit ka filluar të përhapë fjalë se me gjithë shkeljet ligjore , që ka bërë , do të jetë përsëri në punë , pasi ka një farë lidhjeje miqësore me njërin nga kandidatët socialistë. E ky specialist i thotë hallexhiut se vendimet e gjykatave janë thjesht formale , askush nuk i ka zbatuar ato , kush pyet për to, ne ndofta ta bëjmë nder se sa për ligj nuk na plas dhe më pas justifikimet : “nuk kemi para as për të paguar dritat , as për të paguar ujin , as për dieta , as për letër format , as… as… as…”.Pastaj mos kërko para para 23 qershorit , në të dhënshim ndonjë lek do të fillojmë në korrik .
Kryeminsitri i Shqipërisë krenohet me shtetin ligjor, qoftë atje ku është. Prefekti është përfaqësuesi i Këshillit të Ministrave në rajon, emërohet dhe shkarkohet nga Kryeministri. Kur një prefekt nuk zbaton vendimet e gjykatave e të përmbarimit dhe tallet me to, vaj medet për institucionet e tjera. Thonë që ky prefekti ëshët dhe i pasur, ka rrogën e majme në shtet , por dhe një aktivitet privat duralumini , që së fundmi e ka shtrirë dhe në trevën ku kryen funksionin shtetëror. Po sikur këto paratë e vendimeve gjyqësore t’i paguante nga xhepi a ka ndonjë gjë të keqe?! Vendimet gjyqësore të formës së prerë janë një borxh i varur në qafën e prefektit si medalje e së keqes. E keqja e ka kapur për fyti . Nuk u mjaftua me faktin që hoqi nga puna dy nga specialistët më të mirë vetëm për faktin që ishin anëtarë të këshillave vendor në njësitë përkatëse përfaqësues të opozitës e nuk votonin PD-në , për faktin që nuk ishin si ca të tjerë që , për të ruajtur vendin e punës , kanë pranuar të votojnë me celular me 8 maj 2011 dhe celularin t’ia tregojnë njërit perej titullarëve që tashmë i ka hypur kalit të bardhë , por thellohet “në të zezën e tij” duke mos zbatuar as vendimet e gjykatave dhe urdhërat e ekzekutimit të tyre dhe të përmbarimit.
Këtë shkrim do ta mbyll me këto vargje:
“ Aferim o prefekt Sharku
Xhevahir të ka ty qarku
Por karrikja është me rrota
Vetëm b… është e jotja”.
*Autori ehte bashkepunetor i DITA per Dibren
m……i jati m,,,..i biri…..m,,,,,,ai qe beri te atin c,po iben ati populli o shpellar o tradhetar ikombit ,,,,,,do t,i shperblesh nje dite
Petrit je djale simpatik, nuk te kam njohur per shkrues kaq te mre. Meren vesh Prefektet te formatit militant. Populli i Dibres ka gabuar shume deri me tani, duhet te ndryshoje se eshte qarku qe per turp PD udheheq. Dhe kjo nuk ndodh ne asnje qark me histori te mencur.
Zoti Zili ne cdo moment i bini te vertetes ne koke , i thoni te bardhes e bardhe dhe te zezes e zeze. Kam mendimin se jeni opozitari i vetem me ze ne Diber , te tjeret qe deri sot jane strukur , kane filluar te ngrefosen , presin fitoren. Sa per ate prefektin Nastradin e njeh mire Bulqiza si per aferat , ashtu dhe per perfoljet e pervetesimit te pronave te vellait te vdekur qe ka qene njeri i mire. Respekt e pac me shume shoke ne ate treve te nderuar por qe ne votime deri me sot ka gabuar.