“Ai hëngri byrekun e nënës sime, unë e shihja tek ndërronte orët e dorës mbi 10 mijë dollarë secila. Takoi Shkëlzenin menjëherë pasi NYT i shkoi në zyrë”

Në një intervistë botuar në DITA, aktivisti i njohur shqiptaro-amerikan Geri Kokalari zbulon disa detaje për Fatmir Mediun, ish-ministri I Mbrojtjes i përfshirë në shpërthimin e tmerrshëm të Gërdecit.

Thotë Kokalari:

“Siç kam shkruar shumë vite më parë, unë kam pasur marrëdhënie miqësore me Fatmir Mediun dhe ai madje hëngri byrekun e nënës sime, që në dukje ishte më i miri në botë.

Gjëja që më bëri më shumë përshtypje në lidhje me Fatmirin atë kohë ishte koleksioni i tij mbresëlënës i orëve të dorës. Më kujtohet kur e shihja duke sistemuar, vendosur e përzgjedhur ato orë që vlerësoj se kishin vlerë mbi 10,000 dollarë secila. Pyetja që mbetej pa përgjigje në mendjen time është se nga i mori ai paratë për të blerë ato orë?

Kam vërejtur se lidhjet midis trafikantit të drogës Gazmend Mahmutaj dhe Fatmir Mediu u ngritën së fundmi përsëri në media. Siç kujtoj, kishte gjithashtu pretendime se ndërsa shërbente si Ministër i Mbrojtjes, Mediu vuri Kasem Mahmutaj, vëllain e Gazmendit, në krye të depove të municioneve në Shqipëri, përfshirë një që i siguronte municion AEY-së së Gërdecit”.

Kokalari tregon edhe një episod mes Mediut dhe një gazetari amerikan që hetoi Gërdecin.

“Ndihmova orkestrimin e pritave të Ministrit të Mbrojtjes të atëhershme Mediu nga Nicholas Ëood, një reporter i Neë York Times i cili punoi në artikullin e AEY.

Për shkak të egos së tij të tejfryrë, Mediu me naivitet mendoi se po intervistohej nga Neë York Times për ngjitjen e Shqipërisë në NATO dhe çështje të tjera kur Ëood e verboi atë me pyetje dhe dokumente në lidhje me AEY dhe Gërdecin. Ëood më tha se Mediu u bë sikur të kishte parë një fantazmë dhe ishte pa dyshim një nga surprizat më të mëdha të jetës së Mediut.

Pak pasi u krye ajo intervistë, unë u kontaktova nga një gazetar i njohur shqiptar i cili më tha se kishte parë Mediun dhe Shkëlzen Berishën duke pirë një kafe së bashku.

Ndoshta ata thjesht po diskutonin për motin ose një ndeshje futbolli, por e kam shumë të çuditshme që menjëherë pasi Mediu u godit nga një rrufe që e minonte pozicionin e tij si Ministër i Mbrojtjes, ai gjeti kohë për të vrapuar në një takim me një djalosh i cili tani pretendon se nuk kishte asnjë lidhje me AEY ose Gërdecin”.

Intervista e plotë mund të lexohet duke klikuar KËTU

n.s. / dita