Sekretari i Përgjithshëm i Internacionales Socialiste, Luis Ajala, nuk është i bindur se PS-ja i ka humbu zgjedhjet e kaluara. Ajala thotë në një intervistë për “Shekullin” se proceset elektorale kanë qenë të pabesueshme dhe këtë e dinë të gjithë. Por sipas tij, në qershor, PS do të fitojë për shkak të programit të saj.
“Mendoj se proceset elektorale të mëparshme kanë qenë të pabesueshme dhe ne e dimë këtë. Unë nuk jam i sigurt se Rama vërtetë i ka humbur zgjedhjet”, thotë Ajala, i cili shton se është i bindur në fitoren e PS, “për shkak të ideve, të vizionit, të propozimeve dhe programit të saj”.
Më tej, ai thekson se do jetë edhe vetë vëzhgues i zgjedhjeve në Shqipëri, me një grup delegatësh nga Internacionalja Socialiste.