Aleanca Kundër Importit të Plehrave bën apel për ndalimin e lejeve për import plehrash nga ana e qeverisë në detyrë. “Kemi informacion se janë dhënë mbi 10 leje (të cilat i kemi evidentuar) për importin e mbetjeve metalike dhe plastike. Këto kanë ndodhur dhe kohët e fundit. Dy fabrika riciklimi janë në Vorë dhe Gjokaj dhe kemi frikën se mund të ndodhë në vazhdimësi. Kjo do të ishte e papranueshme dhe mendojmë se shkalla e abuzimit mund të jetë më e madhe në këtë periudhë sesa më përpara”, tha në emër të AKIP, ambientalisti Lavdosh Ferruni.
“I bëjmë thirrje qeverisë së re që seancat e para parlamentare t’i shfrytëzojë për të hequr nenet që lejojnë importin e mbetjeve. Në këtë mënyrë kjo shumicë do të mbajë premtimin elektoral. Besojmë se shumica e re politike do i japë fund importit të mbetjeve duke i përmbushur pritshmëritë e qytetarëve. Nëse qeveria e re nuk i përmbush, ne do të vazhdojmë referendumin, i cili është miratuar nga Gjykata Kushtetuese dhe Presidenti Nishani ka caktuar datën”, tha Blendi Kajsiu.
Ambientalistët kërkuan qeveria të mbajë premtimin e dhënë, në të kundërt do të nisë puna për organizmin e referendumit, një hap që do të kishte kosto për vendin, për më tepër një muaj pas zgjedhjeve parlamentare. “Qeveria të mbajë premtimin në mënyrë që të shmangë referendumin, i cili do të ishte kosto. Jemi të sigurt se importi i plehrave nuk do të ndodhë në Shqipëri”, tha Ferruni.
Jam totalisht kunder importit te çdo lloj mbetjeje por njekohesisht jam pro eksportit te tyre dhe propozoj qe mbetja e pare qe duhet eksportuar te jete saliu. Lutem votoni pro ketij propozimi qe ka te beje me eksportin shume te leverdisshem te plehrave antikombetare.
Ky kuqeziu ta heq depresionin krejt. Shume i holle ne ironi.