Detajet kanë gjithmonë rëndësi. Aq më tepër nëse bëhet fjalë për shfaqje mbi tapetin e kuq, si në rastin e Critics Choise Awards, çmimet e kritikës që u paraprijnë atyre të Golden Globe. Në mbrëmjen e organizuar në Santa Monica, mbi tapetin e kuq janë shfaqur divat më elegante të momentit që nga Anne Hathaway te Jessica Chastain, nga Eva Longoria te Marion Cotillard, të cilat kishin zgjedhur veshje që shumë shpejt do të shndërrohen në tendencë. Por krahas fustaneve, aksesorët janë një tjetër element shumë i rëndësishëm i veshjes, i cili flet shumë për karakterin atij që i mban.
