Një aksident i rëndë automobilistik ka ndodhur gjatë natës në Prrenjas, ku 3 persona kanë mbetur të plagosur rëndë pasi makina me të cilën udhëtonin ka dal nga rruga.
Sipas të dhënave paraprake, makina e tyre tip “Toyota Yaris” ngjyrë blu e errët ka rrëshqitur duke marrë kthesën si pasojë e shpejtësisë së madhe me të cilën po udhëtonte.
Dëshmitarë nga vendngjarja deklarojnë se në makinë udhëtonin 3 persona, prindërit dhe një djalë rreth të 30-ave.
Drejtues i automjetit ishte djali i familjes, i cili preu dorën në aksident.
Sipas informacioneve paraprake, ata kanë mbetur të plagosur rëndë, por gjendja e tyre shëndetësore nuk është konfirmuar ende nga burime zyrtare.
Ambulanca mbërriti në vendngjarje për t’i transportuar të plagosurit për në spital.