Një aksident i rëndë ka ndodhur në autostradën Levan- Tepelenë, ku për pasojë ka gjetur vdekjen një grua dhe është plagosur një i mitur.
Ngjarja ka ndodhur në fshatin Cakran, ku shtetasi Th.Sh, 54 vjeç, banues në Patos, duke drejtuar mjetin tip “Skoda” me targë ZKY 1790, ka dalë nga rruga.
Si pasojë ka gjetur vdekjen e menjëhershme nëna e tij, shtetasja A.Sh, 88 vjeçe dhe ka pësuar dëmtime djali i tij i mitur 8 vjeç, i cili u dërgua me ambulancë në Spitalin Rajonal Fier. Grupi hetimor po punon për zbardhjen e shkaqeve të ngjarjes.