Një aksident i rëndë me dy të vdekur dhe 4 të plagosur u shënua në orët e para të mëngjesit të sotëm(21 maj 2016) tek mbikalimi Shkozet- Plepa në Durrës.
Një mjet tip Peugeot me targa TR 4863 R, ku udhëtonin 6 persona, ka dalë nga rruga dhe është përplasur me trafik ndarësen.
Për pasojë, kanë ndërruar jetë 2 persona, të seksit mashkull, një në vendngjarje dhe tjetri në spital.
Ndërkohë tre personat e tjerë janë jashtë rrezikut për jetën ndërsa një tjetër është në gjendje më serioze për jetën.
Viktimat janë shtetasit me inicialet:
-A. S., 37 vjeç, banues në Shkozet;
-V. M., 25 vjeç, banues në Shkozet.
Të plagosurit janë:
-K. K., 19 vjeç, banues në Shkozet;
-B. D., 29 vjeç, banues në Shkozet;
-O. Sh., 30 vjeç, banues në Shkozet;
-A. B., 25 vjeç, banues në Tiranë.