Një aksident i rëndë ka ndodhur këtë të mërkurë në Rrugën Kukës-Morinë, pranë dogës. Mësohet se një autobot nafte është përplasur me një autoveturë tip “Volkswagen”.
Mësohet se nga të dhënat e para, në këtë aksident kanë mbetur të plagosur 3 persona. Drejtuesja e mjetit “Volkswagen” me targa të Kosovës ka shpëtuar mrekullisht pa lëndime, ndërsa në këtë aksident janë plagosur nëna dhe motra e saj. Ndërkohë, plagosur ka mbetur edhe drejtuesi i autobotit.
Dyshohet se në aksident mund të ketë ndikuar edhe lagështia e rrugës.
o.j/dita