Një 25-vjeçar ka humbur jetën në një aksident në aksin Peshkopi – Bulqizë në vendin e quajtur “Peladhi”. Sipas policisë, viktima është me iniciale J.D. nga Maqellara.
Automjeti tip “Volkswagen Golf 4” që ai drejtonte, humbi kontrollin dhe doli nga rruga.
Për pasojë mbeti i plagosur rëndë drejtuesi 25-vjeçar dhe dy familjarë të tij që ishin pasagjerë në këtë mjet.
Ata u dërguan me urgjencë në spital. Fatkeqësisht, 25-vjeçari me iniciale J.D. ndërroi jetë si pasojë e plagëve të rënda.
Ndërkohë, familjarët e viktimës ndodhen jashtë rrezikut për jetën. Grupi hetimor vijon punën për zbardhjen e shkaqeve të aksidentit.
o.j/dita