Një aksident i rëndë ka ndodhur pak më parë në aksin Fushë Krujë-Vorë ku një furgon tip “Benz” është përplasur me një Audi.
Si pasojë e përplasjes është plagosur rëndë drejtuesi i furgonit Ilir Musteqja banor i zonës i cili është dërguar me urgjence tek “Trauma” pasi ka dëmtime në kokë, ndërsa drejtuesi i Audit është dërguar në qendrën shëndetësore të Fushë Krujës për të marrë mjekim.
Shkak i aksidentit sipas policisë është ndërprerja e rrugës në mënyrë të gabuar nga ana e furgonit.
Njoftimi i policisë:
Rreth orës 22:20, në aksin rrugor Fushë Krujë-Ura Gjolës, një automjet tip furgon me drejtues shtetasin I. M., është përplasur me automjetin me drejtues shtetasen L. T.
Si pasojë e përplasjes është lënduar shtetasi I. M., i cili ndodhet nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
a.m/dita