Tre persona janë plagosur rëndë si pasojë e një aksidenti të ndodhur në Berat sot paradite. Ngjarja ndodhi në vendin e quajtur Novaj, ku si pasojë e daljes nga rruga të një automjeti janë plagosur shoferi Bexhet Bajraktari, 52 vjeç, dhe dy vëllezërit: Deli dhe Muharrem Dervishi, 19 dhe 17 vjeç.
Makina ka rënë nga një lartësi 100 metër ndërsa tre personat e mësipërm po udhëtonin drejt Kulmakut, për pelegrinazh.
Shkaqet e aksidentit mbeten ende të paqarta.