Një aksident automobilistik është shënuar në rrugën nacionale Lushnje-Berat mbrëmjen e së dielës.
Policia ka bere me dije se rreth orës 20:00, në vendin e quajtur “Rotondo e Karbunarës”, Lushnje, automjeti tip “Benz” me drejtues shtetasin L.Ç, 42 vjeç është përplasur me automjetin tip “Fiat” me drejtues shtetasin A.K.
Si pasojë e përplasjes janë dëmtuar pasagjerët në mjetin tip “Benz” , shtetasit S.Ç, 73 vjeç; M.Ç, 50 vjeç, E.Ç, 13 vjeç dhe L.Ç, 73 vjeç.
Edhe drejtuesi i mjetit “Fiat” ka pasur dëmtime.
Të lënduarit janë dërguar në Spitalin e Lushnjes, ku kanë marrë ndihmë mjekësore dhe janë jashtë rrezikut për jetën.
Policia po heton rrethanat e ngjarjes.
e.ll./dita