Një 40-vjeçare është gjetur në anë të rrugës me dëmtime në trup, dyshohet për shkak aksidentimi nga një automjet që më pas është larguar nga vendngjarja.
Ngjarja raportohet nga policia e Korçës, mbi atë çfarë ka ndodhur mëngjesin e kësaj të enjteje rreth orës 5:20 në aksin Pogradec-Korçë, në vendin e quajtur “Lapidari i Petrushës”.
Shtetasja është transportuar në Spitalin e Pogradecit për të marrë ndihmën mjekësore, ndërsa gjendja e saj raportohet e rëndë.
Një grup hetimor është ngritur për të zbuluar rrethanat e ngjarjes, e sigurisht për identifikimin dhe kapjen e autorit.
o.j/dita