Aksidenti në Tunelin e Kalimashit: Viktima ishte pasagjere në një nga automjetet e përplasura, dy të lënduar nisen drejt Tiranës (emrat)

Në aksidentin e rëndë që ndodhi mbrëmjen e së premtes në tunelin e Kalimashit ka ndërruar jetë Ediona Sala, banuese në Shkopet.

Ajo ndodhej pasagjere në një nga automjetet që u përplasën.

Sipas informacioneve paraprake, në brendësi të tunelit u përplasën automjetet e drejtuara nga Gjin Malsi, banues në Shkopet dhe Mihrije Zeneli banuese në Kosovë.

Për pasojë kanë mbetur të lënduar katër persona, veç dy shoferëve edhe Sandër Beka e Mariglen Gjoka, të cilët janë dërguar për të marrë kujdes shëndetësor.

Dy ndodhen në spitalin e Kukësit dhe dy të tjerët janë nisur drejt Tiranës.

n.s. / dita