Policia e Shtetit ka nisur hetimet për përfshirjen e Drejtorit të Zbulimit të Shërbimit Informativ Shtetëror, Ferndinand Nuku, në një aksident me makinë.
Shqiptarja.com shkruan se Nuku ka fshehur brenda ambienteve të këtij institucioni automjetin e tij, menjëherë pasi u përfshi në një aksident.
Makina e drejtorit të Zbulimit në SHISH , me targa AA 847 EK, u përplas me një tjetër automjet rreth orës 20:00 të mbrëmjes së të Premtes.
Të njëjtat burime bëjnë të ditur se Policia ka marrë në pyetje Drejtorin e Zbulimit në SHISH. /E.K