Drejtoria e AKU-së në Vlorë, sekuestroi sot 2.7 kuintal peshk, qe tregtohej jashtë kushteve higjeno-sanitare.
Gjatë inspektimit, inskeptorët e Drejtorisë Rajonale të AKU në Vlorë, konstatuan tregtimin e një sasie peshku, në disa pika, në trotuare dhe makina, pa respektuar asnjë kusht higjeno-sanitar, që garanton sigurinë ushqimore.
Inspektorët e AKU në Vlorë, morëm menjëherë masa, duke sekuestruar sasinë e peshkut, ndërsa ndaj personave që e tregëonin nuk u morën masa konkrete, pasi ishin të palicencuar dhe si pasojë, nuk mund të merreshin masa ndaj tyre, përveç sekuestrimit të produktit.
Autoriteti Kombëtar i Ushqimit, i bën thirrje konsumatorëve, që të jenë të kujdesshëm në blerjet që bëjnë.