Opozitë mavria,
ka kohë të rrëfehet,
ngado që të vejë,
tek teatri kthehet!
Hangari ka rënë,
në tokë është rrafshuar,
po prapë Aleanca,
punën ka vijuar!
Ka vijuar punën,
e lagu-s’e lagu,
njëmbëdhjetë padi,
ka ngritur tek SPAKU!
Tani Aleanca,
ka qasje të re,
e kërkon teatrin,
fiks-ashtu siç qe!
Fiks ashtu siç qe,
ku ka qënë ndërtuar,
se qe vepër arti,
për të vërtetuar?!
Përveç Aleancës,
edhe Luli nxirit,
tema e teatrit,
është dhe e Ilirit!
Mëkatet e Ramës,
kur i numëron,
teatër-hangarin,
kurrë s’e harron!
Tema e teatrit,
në kohë pandemie,
është pak a shumë,
një shënjë çmendurie!
Që s’është vepër arti,
e thamë dhjetra herë,
veprat dhe aktorët,
janë e vetmja vlerë!
Po të përgjërohem,
Aleanca blu,
ringjall Kadri Roshin,
të bëhem me ju!
Në u bëftë teatri,
dhe në qofshim gjallë,
as dhe një aktor,
s’do kemi vërdallë!
Ndërtimi i teatrit,
po mos qe penguar,
sot me siguri,
do qe i ndërtuar!
Edhe disa vite,
jemi tek “Turbina”,
aty s’na pengojnë,
dot vllezrit Budina!
Po ditën që teatri,
do jetë në funksion,
Budina i madh,
do jetë në pension!
Ai s’do t’i ketë,
muret me kallama,
po do jetë solid,
me çelnik e xhama!
Besoj se dhe gjyqet,
do kenë mbaruar,
po s’besoj të kemi,
ndonjë të dënuar!
Dhe pse Avokati i Popullit,
që po investohet,
thotë se policia,
duhet të ndëshkohet!
Ngaqë duroi shumë,
duhet të dënohet,
dhe stani i legenëve,
pse mos dekorohet?!
A.DUKA
Rri Benko te Rilindja e mavi more kodosh,
se aty ti je vetvetja me ose pa Kadri Rosh,
nuk e nderron ti Ramen, duhet ta pranosh,
pa nje cicke Socializem ti s’mund te jetosh
por do beje mire me pare o poet kokorosh,
ato te vdekurit perdhe te Morgu ti shikosh!
se dhe ti Benko po vdiqe nga Covidi19 sot,
atje i shtrire pertoke or Rrot do perfundosh!
Me gjithe respektin I madhi arben, ketu je gabim.
Shikoi kullat reeth xhamise sahatit
ME TE LUMTE per te vertetat qe mbartin keto vargje.
LSI do të na bëjë të lumtur
Rroftë kryetarja, rroftë kryetarja,
Maradona moniste në parti,
besimtarja e përrallave fetare,
Mona progresistja e LSI.
Me çizme ajo fort shkelmon,
padrejtësitë në qeveri,
paguan gjobat për maskën,
idetë e saj sjellin mrekulli,
Me aq gjoba sa ka marrë,
për të nuk janë gjë fare,
ç’të bëjnë fukarenjtë,
që janë papunë e pa pare?!
As Meta patrioti e as Mona,
masat anticovid nuk i beson,
s’i beson as Erion Isai i PS,
as Bes Kallaku që 35 vite feston.
Si besojnë e s’i zbatojnë,
po tërë kohës na japin mend,
se kur të vijnë në pushtet,
do e bëjnë parajsë këtë vend.
Në këtë parajsë do jemi të lumtur,
të gjithë bashkë në varfëri,
populli i mashtruar nga partia,
ata mbretërojnë në këtë ”skllavëri”.
Thonë do bëjnë Shqipërinë shtëpi,
sigurisht për ata e jo për ne,
populli s’paguan dot as faturat,
ata përherë nga një vilë të re.
LSI është partia e të rinjve,
por e pasanikëve dhe miqësisë,
fukarenjtë nëpër call center,
ose papunë te dera e shtëpisë.
Kështu ka qënë e kështu do jetë,
përrallat kush idiot i beson më?
Populli ka 30 vite me lugën bosh,
e akoma mend nuk po nxë?
Rroftë Mona pronare partie,
Se Likja është President uniteti,
shefin e kabinetit e çon deputet,
Panaritin e partisë shef kabineti.
Kështu funksionon partia LSI,
kjo shpk “social” pasanikësh,
a rrohet kështu me dinjitet,
apo duhet nga Shqipëria të ikësh?
Rroftë Mona pronare partie,
Se Likja është President uniteti,
shefin e kabinetit e çon deputet,
Panaritin e partisë shef kabineti.
Kështu funksionon partia LSI,
kjo shpk “social” pasanikësh,
a rrohet kështu me dinjitet,
apo duhet nga Shqipëria të ikësh?