Alketa dhe një dedikim për Krastën

Ditën e djeshme, në profilin e saj në Facebook, Alketa Vejsiu,  ka publikuar një foto me Adi Krastën. Fotoja e realizuar në një ambient të ngrohët shtëpia, nën shoqërinë e një gote verë, duket se e ka frymëzuar Vejsiun, të bëj këtë dedikim për mikun e saj, Adi Krasta: “Me Adi Krastën, njeriun që frymëzoi ëndrrat e mia për televizionin kur nga ekrani bardh e zi i viteve ‘90, (atëherë vetëm 6 vjeçe), e admiroja dhe ëndërroja t’i ngjaja. Shumë përcaktime ka për të, për stilin e tij direkt, për humorin origjinal, për tehun e mprehte të ironisë se një mendjeje të mençur, guximin e pashembullt për t’i thënë gjerat “troç” dhe pa e çarë kokën hiç se çdo të thonë të tjerët, një sens i pakufishëm për të qenë “i lirë”, me qëndrime të guximshme të thella e analitike për situata ulëritëse të aktualitetit shqiptar…Ai e ka thënë gjithmonë të vetën, si rrallë personazhe të ekranit pa interesa, pa qenë lojtar e aleat në luftëra që kapërcejnë misionin e medias dhe gazetarisë, duke qenë thjesht “KRASTA”. Ajo që njerëzit shumë pak ndoshta njohin përtej talentit të komunikimit publik që buron rrjedhshëm, është natyra e tij shumë dashamirëse që i hakërrehet çdo intriganti e cmirziu  dhe eleganca e të qëndruarit në një lartësi ideale për t’i parë miqtë nga një kënd optik ku gjerat duken thjesht “perfekt”.