Largimi i Lulzim Bashës nga Bashkia e Tiranës ishte i pritshëm. Ai nuk ka qenë kurrë pjesë e këtij qyteti. Premtimet e fushatës së para 4 viteve mbetën të tilla dhe Tirana sot është akoma dhe më keq. Një Tiranë ku kaosi i shkaktuar nga një njeri pa ide, bëri që të gjithë banorët të shohin në krahun tjetër, në alternativën e tyre më të mirë. Për fat të mirë alternativa ka, madje edhe shumë të mira. Projekti i së majtës shqiptare, projekti që Erjon Veliaj do të sjellë, ka të bëjë me një transformim të jetës në të gjithë këtë komunitet. Një model konkret ku në vend të 400 kazinove që Basha ka ndërtuar në 4 vite të mandatit të tj, do të ndërtohen 400 terrene sportive, apo do t’i rikthehen komunitetit ato palestra shkollash që ai ka mbyllur prej vitesh. Vetëm kështu ne u japim fëmijëve dhe rinisë tonë mundësi të orientohen drejt sportit, kulturës dhe një të ardhmeje të sigurt.
Tirana e Bashës ka mbyllur dyert jo vetëm për rininë, por të gjithë qytetarët. Një Tiranë që nuk gjeti dot kurrë njeriun-lider të saj, por një njeri që mendoi se si ta shkatërrojë atë për interesat e tij. Por e ardhmja do t’i përkasë qytetarit, rinisë, pasi vetë z.Veliaj vjen nga kjo moshë. Një njeri që ka punuar me rininë, ka entuziazmin e saj, ka vizionin e saj fitues. Për këtë arsye edhe Lëvizja Socialiste për Integrim beson te Erjoni, beson tek rinia, së cilës i ka dhënë timonin në këto zgjedhje, duke qenë se ajo është forca që përmbys çdo pushtet.
Letër e nënshkruar,
Viron Bezhani