Ambasadori austriak: Pastroni parlamentin

Procesi i dekriminalizimit duhet te përfshije jo vetem parlamentin, por te gjitha institucionet e rëndësishme.

Apeli kete here vjen nga ambasadori austriak, sipas te cilit Shqipëria e ka nevoje urgjente ta bejet kete hap.

“Unë mendoj se është shumë e rëndësishme për të ardhmen e Shqipërisë ajo që sot artikulohet si dekriminalizimin , jo vetëm i parlamenti por i të gjithë institucioneve politike dhe është shumë e rëndësishme që të gjitha iniciativat që ndërmerren në këtë kuadër të merren parasysh. mendoj se duhet të jenë partitë politike ato që duhet ta ndërmarrin këtë hap”, tha Thomas Schnoll.

Por gjatë fjalës së tij diplomati austriak nuk ka lenë pa përmendur edhe çështjen e azilkërkueseve, e cila përben shqetësim edhe per vendin e tij.

Ai u ka deklaruar se shqiptarët duhet ta kuptojnë se nuk kanë shanse te përfitojnë azilin.

“Ashtu sikurse është thënë shumë herë por edhe unë dua ta përsëris përsëri, nuk ka asnjë mundësi për të pranuar këta azilantë në vendet ku ata janë nisur. pra nuk ka asnjë mundësi për të kërkuar azil ekonomik në këto vende. Shumica e vendeve janë drejtuar drejtë Francës, Gjermanisë dhe më pak në Austri, në Austri ne kemi patur kohët e fundit një numër të madh azilnatësh nga Kosova, por për shkak të fushatave publicitare që ne kemi ndërmarrë dhe informacioneve të shumta që kemi dhënë në media numri i tyre ka ardhur duke u ulur”, tha ambasadori austriak.

Sipas ambasadorit austriak, dy pikat kriteret kryesore që Shqipëria duhet te përmbushe për t’u integruar ne BE janë reforma ne gjyqësor dhe ne administratë.