Antidepresivët mund të ndikojnë negativisht te zemra. Sipas studimeve të fundit, pacientët që përdorin antidepresivë, veçanërisht në doza të mëdha, rrezikojnë të preken nga aritmitë. Studimi është kryer në Massachusetts General Hospital dhe për të arritur në një përfundim të tillë janë ekzaminuar të paktën 38 mijë pacientë që kuroheshin me antidepresivë të llojeve ët ndryshme. Përfundimet e studimit janë botuar në British Medical Journal. Studimi vjen pas paralajmërimeve të ngritura nga FDA (Food and Drug Administration) në SHBA, e cila para disa kohësh ka kryer një sërë analizash që nxorën në pah lidhjet e disa lloj antidepresivësh me rrezikun e aritmisë kardiake.