Anastasia është në një moment të vështirë të jetës së saj. Pasi ka mësuar se kanceri i gjirit po i ripërsëritet, këngëtarja i është nënshtruar një ndërhyrjeje kirurgjikale për heqjen e dy gjinjve.
Në një mesazh për fansat e saj, ajo shfaqet sërish optimiste: “Ka qenë një udhëtim i gjatë, por ndihem mirë dhe e gatshme për të nisur një kapitull të ri”.
Këngëtarja kishte përjetuar një kalvar të ngjashëm në vitin 2003, duke iu nënshtruar sërish një ndërhyrjeje kirurgjikale dhe radioterapisë. Pas diagnozës së dytë, Anastacia ka anuluar turin europian, që kishte në program, duke nisur menjëherë kurat mjekësore kundër tumorit të rishfaqur.
“Muaji i ndërgjegjësimit rreth kancerit të gjirit u ofron të gjithë femrave të prekura nga kjo sëmundje, një mundësi për të rikuperuar forcat dhe për të mbështetur njëra-tjetrën. Diagnoza e hershme më ka shpëtuar jetën dy herë. Do të vazhdoj betejën dhe do të ngre zërin tim në të gjitha mënyrat e mundshme”, apelon këngëtarja.