Apeli liron vëllanë e kryebashkiakut të Poliçanit

Artur Zotkaj, vëllai i kryebashkiakut të Poliçanit, Adriatik Zotkaj, është lënë i lirë sot nga Gjykata e Apelit në Berat.

Ai së bashku me tre persona të tjerë qe ndaluar pasi në biznesin e tij pranë aksit që të çon në Malin e Tomorrit u sekuestruan 19 kilogramë kanabis.

Më herët gjykata e rrethit kishte dhënë masën e sigurisë “arrest me burg” për të gjithë personat në fjalë, ndërsa sot Apeli e la të lirë Artur Zotkajn me pretendimin se mungojnë provat.

Ky i fundit në mbrojtjen e tij kishte thënë se nuk ishte në dijeni që në biznesin e tij ndodhej lënda narkotike.