Kompania Apple është dënuar me një gjobë 6.6 milionë dollarë sa i takon mashtrimit të konsumatorëve australianë në lidhje me të drejtën e tyre për të riparuar pajisje të prishura si iPhone dhe iPad.
Komisioni Australian i Konkurrencës dhe Konsumatorit (ACCC) mori masa ligjore kundër Apple dhe të martën njoftoi se Gjykata Federale urdhëroi kompaninë të paguante gjobën.
Komisioneri i ACCC, Sarah Court tha se “nëse një produkt është prishur, konsumatorët ligjërisht kanë të drejtën e riparimit ose zëvendësimit sipas ligjit australian, ose edhe rimbursimit.”
Një hetim i këtij komisioni zbuloi se 275 personave u ishte thënë nga Apple se nuk kishin të drejtë për të riparuar apo rimbursuar pajisjet e tyre, në rast se ato më parë ishin dërguar në një servis tjetër.
Përdoruesve të iPhone-it dhe iPad-it iu shfaqte në ekrane paralajmërimi “Error 53”, i cili thuhet se është shkaktuar nga servise të treta që zëvendësojnë lidhësin që shkon nga sensori Touch ID tek “Home”.
s.a/dita