Aktori Xhevdet Jashari, apo Arifikmeti i serialit “O sa mirë”, ndjen kënaqësi që publiku e pëlqen punën e tij.
“Të bëhem aktor për të cilin do të mburren fëmijët e mi, familja ime dhe mbarë kombi im”, ka thënë ai në një intervistë kur është pyetur për synimet në karrierë.
Duke komentuar se si është pritur roli i Arifikmetit prej tetovarëve, Xhevdeti ka thënë: “Mendoj se pyetja duhet të jetë pak më e gjerë. Shqiptaret e Iliridës, me aq sa kam dituri unë dhe e përjetoj, për momentin ata mburren me mua”.
“Pas pesë vitesh, nëse jam gjallë, do të doja ta shihja veten në një shqiptari të bashkuar, me ekonomi të fortë, me gjyqësi perfekte… E kur t’i arrijmë këto, pastaj është gjithçka më e lehtë”. /Tribuna
