Arkitektura, fituesit do të shpallen mbi bazën e notave të maturës

Konkursi i zhvilluar për pranimet në programet e arkitekturës dhe urbanistikës ka rezultuar me pikë të ngushta, çka a do të thotë se do të jenë pikërisht rezultatet e Maturës Shtetërore që do të përcaktojnë se cilët do të jenë kandidatët që do të mund të vijojnë studimet e larta në këto programe. Në një prononcim të dhënë për gazetën “Dita”, dekani i fakultetit të Arkitekturës dhe Urbanistikës Andrea Maliqari tregon se në përgjithësi rezultatet e marra nga kandidatët janë me diferencë shumë të vogël, çka e transmeton përgjegjësinë tek pesha e maturës shtetërore në përzgjedhjen e fituesve.

Ndonëse në formularin A2, kanë qenë të shumta kërkesat për vijimin e studimeve të larta në këto dy programe, në konkurs sipas Maliqarit kanë marrë pjesë 314 konkurrentë. Në vijim të shkrimit do të gjeni të detajuar listën e plotë të pikëve të marra nga secili kandidat në profilin e arkitekturës dhe urbanistikës. Kandidatët që përbri emrit të tyre nuk kanë pikë të shënuara, digjen automatikisht, pasi nuk i janë nënshtruar testimeve speciale të konkursit që është zhvilluar në datat 3 dhe 4 shtator. Në udhëzimin e Ministrisë së Arsimit detajohet se për programet e studimit “Arkitekturë” dhe “Arkitekturë-Urbanist”, rezultatet e shkollës së mesme (nota mesatare e viteve të shkollimit dhe të gjitha provimet e maturës), llogariten në masën 40 për qind, kurse rezultatet e konkursit  të pranimit zënë rreth 6O për qind të peshës në përzgjedhjen përfundimtare të fituesve.