“Arratia” e ish-deputetit Spahia drejt selisë së PD-së

Mediat lokale  shpërndanë njoftimin e Policisë së Shkodrës se ish-deputeti i Partise Demokratike Bardh Spahia ishte shpallur në kërkim për ngjarjet e së martës në KZAZ-në e Bashkisë Shkodër. Bëhet fjalë për zjarrin në katin e parë të shkollës së mesme “Shejnaze Juka”.

Lajmi më pas u konfirmua dhe nga vetë kryeministri i vendit, Edi Rama gjatë një takimi në njësinë administrative numër 1 në Tiranë.

Por këtë pasdite ish-deputeti Spahia u pa nga gazetarë të News 24 të hynte në selinë e Partisë Demokratike normalisht. Spahia deklaroi për gazetarin se lajmin e kishte marrë vesh nga mediat dhe se asnjë efektiv policie nuk kishte mbërritur në banesën e tij.

Spahia shton se është i vendosur për të vijuar aktivitetin e tij në mbështetje të qytetarëve dhe se nuk ka ndërmend të shkojë vetë në polici për t’u sqaruar.

Kujtojmë se ndërsa Bardh Spahiu u lajmërua se ishte në kërkim, ish-deputetja Dhurata Cupi u shoqërua për disa minuta në komisariatin e Matit. Ajo deklaroi se u ndalua teksa po udhëtonte në makinë me kryetaren e FRPD-së të zonës.

Kujotjmë se për përplasjet me forcat e policisë në disa KZAZ, policia e shtetit ka proceduar dhe ka ndaluar disa persona.

e.ll./dita