Arrestohen dy të dyshuar për vrasjen e 19-vjeçarit në pishinë në Vorë

Policia e Tiranës ka arrestuar mëngjesin e sotëm dy të rinj si të dyshuar për vrasjen e një 19­vjeçari ditën e djeshme në Vorë.

Burime nga policia bëjnë me dije se kanë arrestuar 18­vjeçarin Luan Shkalla dhe R.V 17 vjeç. Dy të arrestuarit dyshohet se një ditë më parë pas një sherri në pishinë kanë qëlluar për vdekje me thikë 19­vjeçarin Klevis Disha.

19­vjeçari K.D banues ne Nikel. ndërroi jetë ditën e djeshme në spital pasi ishte qëlluar disa herë me thikë. Ngjarja e rëndë ndodhi pas një sherri mes një grupi të rinjsh në një nga pishinat në qytetin e Vorës.

Nga hetimet paraprake dyshohet që sherri të ketë lindur për motive banale. Në përplasjen fizike mes të rinjve mbeten edhe 4 të plagosur XH.D 16 vjeç, M.K 22 vjeç, L.D 22 vjeç, K.D 23 vjeç.