Ermal Muça, zv.drejtori i Policisë së Tiranës thotë se janë shoqeruar në polici 29 persona për ngjarjen e mbrëmshme, ndërsa lajmi i bujshëm është se është arrestuar edhe një person për prishje të vendit të ngjarjes.
Ndonëse zv.drejtori i policisë nuk e përmendi emrin, bëhet fjalë për një prej personave që ndodhej në tavolinë me viktimën.
Burimet thonë se i arrestuari është mjeku, i cili mbërriti në lokal bashkë me viktimën dhe u ulën në tavolinën ku qëndronte një oficer policie dhe gazetari Spartak Koka. Mësohet se mjeku, identiteti i të cilit nuk bëhet me dije, tentoi të fshehte pistoletën që mbante viktima.
Sidoqoftë deri më tani Policia e Tiranës nuk ka lëshuar asnjë komunikatë për arrestimin e këtij personi.