Policia e Kukësit ka arrestuar një 34-vjeçar, i cila ka qenë i shpallur në kërkim më parë, dhe akuzohet se ka përshtatur lokalin e tij për përdorim droge dhe lojëra fati.
Arrestimi i të riut është kryer në vijim të operacionit të koduar ‘Vila’ të zhvilluar më 16.10.2021, në kuadër të të cilit u arrestua një person dhe u proceduan 7 të tjerë.
Gjykata e Shkallës së Parë Kukës i ka caktuar këtij shtetasi, masën e sigurisë “Arrest në burg”, për veprat penale “Përshtatja e lokalit për përdorim droge”, “Prodhimi dhe shitja e narkotikëve”, “Organizimi i lotarive të palejuara” dhe “Vënia në dispozicion e lokalit për lojëra të palejuara”. Materialet i kaluan Prokurorisë së Rrethit Gjyqësor Kukës, për veprime të mëtejshme.