Një person është arrestuar nga policia nën akuzën e shpërdorimit të detyrës.
Sipas policisë së Fierit, në pranga ka rënë Sherif Marra, 50 vjeç, banues në fshatin Havales, Kuçovë, me detyrë agjent në Kompaninë e Sigurimeve “SIGMA” në Berat.
Arrestimi i tij ka ardhur pas kallëzimit të bërë nga 25-vjeçari E. A. Ky i fundit ka pohuar se Sherif Marra ka falsifikuar një policë sigurimi, duke përfituar vlerën prej 15.860 lekë të kësaj police sigurimi, pa e derdhur në arkën e kompanisë.
Mbi 50-vjeçarin rëndojnë akuzat “falsifikim i dokumentave” dhe “mashtrimi”.