Kishte kohë që përflitej, dhe tani duket se është kthyer në realitet. Higuain është i lirë të largohet nga Juventus.
Sipas Sportmediaset, Juventus dhe Chelsea kanë arritur marrëveshjen për Pipita-n për 60 milionë euro.
Argjentinasi pritet të jetë qendërsulmuesi i ri i Chelsea-t të Sarri-t.
Akordi do të bëhet zyrtar menjëherë pas konfirmimit të teknikut italian.
Do të ishte një ribashkim për dyshen që ka qenë bashkë te Napoli. Nën drejtimin e Sarri-t, Higuain ka bërë sezonin më të mirë të karrierës.
Një tjetër juventin që mund t’i bashkohet argjentinasit në Stamford Bridge është edhe Daniele Rugani.
Gjithsesi, për momentin pronari Abramovich është i fokusuar te largimi i Conte-s dhe konfirmimi sa më shpejt i trajnerit të ri.
Koha për merkaton këtë vit në Premier League do të jetë e shkurtër, pasi do të mbyllet në javën e parë të gushtit.
a.s/dita