Autoriteti Rrugor Shqiptar njoftoi këtë pasdite se situata në akset kombëtare paraqitet përgjithësisht pa probleme. Aktualisht punohet nga kontraktorët për pastrimin e akseve nga rënia e materialeve në rrugë.
Në akset ku ka prani ngricash nga temperaturat e ulëta të natës, është kryer spërkatja me kripë e akseve. Në të gjitha qarqet raportohet për reshje shiu. Të gjithë kontraktorët janë në gatishmëri nëse do të ketë përkeqësim të motit.
Rekomandohen përdoruesit e rrugës të bëjnë kujdes gjatë lëvizjes në segmentet e njohur si zona rrëshqitjesh, si dhe të respektojnë sinjalistikën e vendosur në çdo rast. Bashkëngjitur është tabela, ku janë më të specifikuara zonat e rrezikshme, si dhe gjendja e akseve sipas qarqeve.