“Mos e bëj jetën tënde një vijë të drejtë” është mesazhi dhe titulli i pikturës së Katalin Ioneskut, i burgosur në burgun “Jilava” në periferi të Bukureshtit. Piktura është fituese e një konkursi për veprën më të mirë kundër drogës. Iniciativa ka lindur dhe është zhvilluar në këtë burg, më i vjetri në vend, ku punohet me programin më të suksesshëm për të shpëtuar të dënuarit nga varësia e drogës. Mesazhet u përcollën në konkurs edhe nëpërmjet shfaqjeve të shkurtra teatrale, pantomimave dhe interpretimit të pjesëve të zgjedhura nga krijimtaria artistike.
