“Ashtu si Meta, Rama e Basha ranë dakord”, Ambasada e SHBA: Kohë për veprime të qeta dhe praktike nga publiku

Situata e koronavirusit në Shqipëri sjell edhe reagimin e Ambasadës amerikane në vendin tonë.

Përmes një njoftimi në faqen zyrtare, Ambasada shkruan se COVID-19 kërkon cilindo në Shqipëri, dhe prandaj duhet një bashkim në frymë dhe në veprime.

Ambasada vazhdon duke njoftuar se edhe ata do të zbatojnë masat mbrojtëse të rekomanduara nga OBSH.

Reagimi i Ambasadës Amerikane:

“COVID-19 kërkon që cilido në Shqipëri – pavarësisht se kush je – të bashkohet në frymë dhe në veprime. Ashtu si Presidenti Meta, Kryeministri Rama dhe Kryetari i Partisë Demokratike Basha ranë dakord së bashku, kjo është një kohë për veprime të qeta dhe praktike nga publiku, dhe veprime të shpejta e të përgjegjshme nga të gjithë udhëheqësit. Në këtë drejtim, edhe Ambasada do të zbatojë masat mbrojtëse bazë ndaj COVID-19 të rekomanduara nga OBSH-ja, përfshirë mbajtjen e largësisë midis personave dhe masa të rritura personale higjienike, si larja e shpeshtë e duarve. Do të vijojmë të mbështesim përpjekjet e qeverisë së Shqipërisë për të udhëhequr një përgjigje të bashkërenduar dhe transparente, e cila i mban të gjithë njerëzit në Shqipëri sa më të sigurt, të shëndetshëm dhe të informuar që të jetë e mundur.”

j.l./ dita