Asllan Dogjani: Largohem nga PS, do jem i pavarur

Deputeti Asllan Dogjani deklaron largimin nga PS-ja. Në një deklaratë pas mbledhjes së grupit parlamentar të Partisë Socialiste, deputeti i Kukësit  tha se largohet nga PS, për shkak të qëndrimeve të kryetarit Rama. Dogjani u shpreh se largimi i tij nuk është diçka e papritur, pasi është paralajmëruar kohë më parë. Dogjani tha se do kandidojë si deputet i pavarur në qarkun e Kukësit. Në lidhje me votimin e qeverisë në Kuvend, Dogjani u shpreh se do veprojë sipas kohës. “Duke kandiduar si i pavarur do kem mundësi të mbroj vlerat e demokracisë. Unë jam deputet i pavarur dhe do të veproj sipas kohës dhe momentit”, tha Dogjani.

Javët e fundit, deputeti Dogjani ka pasur kontradikta me kreun e PS-së, Rama, për shkak të moskandidimit të tij në listat e PS-së për zgjedhjet e 23 qershorit.