Një atentat me armë zjarri është regjistruar sot rreth orës 11,30 në autostradën Laç-Tiranë.
Sipas burimeve të policisë lokale, dy persona me motoçikletë kanë qëlluar me armë zjarri mbi shtetasin Bledar Muharrem Mneri.
Mësohet se Mneri në momentin e atentatit udhëtonte me një automjet tip Benz-Mercedes.
Mneri (në foton djathtas), i datëlindjes 1980, ka arritur t’u shpëtojë mrekullisht plumbave.
Policia bën me dije se po heton në dy pista.
Njëra ka të bëjë me një hasmëri të hershme: Vëllai i Mnerit, Erion Mneri është vrarë në vitin 2000.
Pista e dytë lidhet me angazhimet politike të Bledar Mnerit, i cili njihej si militant dhe simpatizant i LSI.
Vazhdon hetimi për identifikimin dhe kapjen e autorëve.