“Athina të kërkojë falje dhe të marrë masa ndaj Agimit të Artë”

Ministri i Diasporës, Pandeli Majko, ka reaguar në lidhje me vrasjen e 35 vjeçarit grek në Gjirokastër.

Në një postim në rrjetet sociale, Majko ka shkruar, se Greqisë i duhet thënë me forcë, se helenizmi fallco është një nga shkaqet e gjakut dhe dhunës në Ballkan.

Ndër të tjera Majko ka thënë se nëse pala greke kërkon shpjegime, fillimisht duhet të sqarojë pse një ushtar grek ka qëlluar policinë shqiptare.

Postimi i plotë:

Forcat RENEA bënë detyren, pasi në çdo vend të botës të qellosh me arme policinë egzekutohesh. Ngushëllime familjes për ikjen e një djali të ri që ka mundesi të jetë Shqiptar, i bërë Grek fallco. Ndaj Greqisë i duhet thënë me forcë e vërteta se, helenizmi fallco është një nga shkaqet e gjakut e dhunës në Ballkan. Nese Greqia do shpjegime ajo te shpjegoj e para se, pse nje ushtar Grek ka qëlluar policinë Shqiptare? Shteti Grek të distancohet publikisht nga nje akt i tillë terrori dhe të kërkoj falje. Që sot e tutje shteti Grek, duhet të perballet me reciprocitet se ka dy shekuj që ka shkelur dhunshëm të drejtat e heleneve të vertet që janë Arvanitet, apo Shqiptarët në emër të një helenizmi modern krejte fallco. Shtetit Grek të marr masa ndaj Agimin të Artë, si organizate ekstremiste që duhet ndaluar me ligj.

k.a. / dita