Aurela Gaçe dhe Young Zerka janë fitues të edicionit të 16 të Festivalit “Kënga Magjike” që mbylli siparin në Pallatin e Kongreseve, në një transmetim direkt në Klan dhe Klan HD.
Kënga e tyre “Pa kontroll” mori vlerësimin e kolegëve që garuan në natën finale të këtij festivali. Ky krijim mori edhe çmimin Kënga hit e festivalit.
Supriza e mbrëmjes ishte prezantuesi i njohur italian Pipo Baudo, i cili hapi natën finale të Këngës Magjike, bashkë me kantautorin dhe prezantuesin Ardit Gjebra.
Besa riktheu te publiku emocionet e edicionit të kaluar me këngën fituese “Tatuazh në zemër”, ndërsa pas saj u ngjitën në skenë artistët fitues.
Kejsi Tola me këngën “Ajsberg” fitoi çmimin e produksionit, Elgid Doda rrëmbeu çmimin best new arstist. Best vokal u shpall Renis Gjoka ne këngën “Dashuria ime ti”, best performance shkoi për Orinda Hutën dhe Landin e Ëest Side Family.
Rezarta Shkurta mori trofeun e këngën Stil, ndërsa Xhesika Polo u vlerësua me çmimin Çesk Zadeja.
Çmimi i televionit Klan në këtë edicionin e 16-të të Festivalit Kënga Magjike shkoi për Rovena Dilon dhe këngën “Gjeje një tjetër”. Bon Bon Bend u shpall grupi më i mirë, ndërsa magjia e parë u fitua nga Rezarta Smaja.
Klejdi Bahiti u nominua si kantautori më i mirë, Kastro Zizo rrëmbeu Best Dance, Çiljeta mori çmimin e internetit, Anjeza Shahini u vlerësua me çmimin tendencë, ndërsa Leonora Poloska dhe Karnita fituan best duet.
Një nga momentet kulminante të mbrëmjes ishte dueti që Ardit Gjebra këndoi me këngëtaren e njohur italiane me origjinë shqiptare, Ana Oxa, një performancë që u duartrokit gjatë nga publiku.
Mbrëmja vijoi me çmimin e kritikës për Vedat Ademin, çmimin diskografik për Endrin dhe Stefin, balada më e mirë për Rosela Gjylbegun dhe interpretimi më i mirë për Genta Ismailin.