Një anije me azilkërkues është fundosur në Oqeanin Indian. Ekipet e shpëtimit nga Australia kanë arritur t’i nxjerrin 160 njerëz nga uji.
Anija u fundos rreth 220 kilometra në veri të Ujëdhesës Christmas, ku Australia ka ngritur një kamp arrestimi për azilkërkuesit.
Australia po përpiqet t’i dekurajojë udhëtime të tilla të rrezikshme dhe muajin e kaluar ka shpallur se nuk do të pranojë më azilkërkues, që arrijnë me anije. Vetëm brenda këtij viti, 18 mijë azilkërkues kanë arritur në Australi.