Një fushatë sensibilizuese ka filluar në Australi për të ulur ritmet e vetëvrasjes. Reklamat kanë në qendër personazhe të luajtura nga burra me tipare të forta mashkullore që u bëjnë thirrje australianëve, në veçanti burrave të kërkojnë ndihmë nëse vuajnë nga depresioni apo ankthi. Vetëvrasja është shkaku kryesor i vdekjeve për meshkujt australinë nën moshën 45-vjeçare.
Fushata “Terapi për meshkujt” përpiqet që përmes humorit të nxisë meshkujt australianë të tregohen më të vëmendshëm ndaj shëndetit psiqik dhe të dallojnë shenjat e ankthit dhe depresionit.
Mesatarisht, çdo pesë orë një burrë australian nën 45 vjeç vret veten. Sipas përllogaritjeve të ekspertëve, për çdo vetëvrasje ka rreth 30 vetë që tentojnë vetëvrasjen por pa e arritur atë. Probabiliteti për vetëvrasje është katër herë më i lartë për burrat se për gratë në Australi. Ndërkaq, vetëvrasja është shumë më e përhapur mes popullatës indigjene në Australi se sa mes popullatës së racave të tjera.
Fushata e re sensibilizuese u organizua nga shoqata bamirëse Beyond Blue. Shefi i saj Jeff Kennett thotë se vetëvrasjet ndër meshkujt janë shndërruar në një gjendje emergjente për vendin:
“Çdo javë, 33 burra vrasin veten. Ata i përkasin grupmoshës nga 14 deri në 44 vjeç. Vetëvrasja është vrasësi më i madh i burrave”.
Tradita mashkullore në shoqërinë australiane shihet shpesh si shkaktare sepse nuk i lejon personat e prekur nga depresioni të kërkojnë ndihmë.
Si shumë policë në vende të tjera të botës, Allan Sparks ka parë skena tronditëse gjatë karrierës policore 20-vjeçare. Ai nuk u kushtoi rëndësi shenjave të traumës psikologjike deri kur pësoi krizë nervore:
“Stresi post-traumatik ishte si një video e pandërprerë që luhej pa pushim në mendjen time. Ngjarjet traumatike që kisha parë , ato që kisha përjetuar më dilnin vazhdimisht para sysh deri sa nuk arrija të flija, pasi nuk më zinte gjumi”.
Krijuesit e fushatës së re sensibilizuese thonë se po shfrytëzojnë traditën e bukur australiane për të përdorur humorin kur ballafaqohesh me probleme të vështira. Ata shpresojnë se fushata do të nxisë australianët të kërkojnë ndihmë nga persona të specializuar kur të preken nga depresioni.
Megjithë përmasat shqetësuese të problemit, shifrat e fundit tregojnë se ritmet e vetëvrasjes në Australi janë shumë më të ulëta se ato të regjistruara në Zelandën e Re, Britani dhe Shtetet e Bashkuara.
Vetevrasja eshte pasoje e renies ne deshprim te plote prej mungeses se forces se brendshme kurajos per te vleresuar situatat bllokuese dhe per te gjetur shtigje per te dale prej tyre, apo per te mos rene ne kurthin e tyre. Shumica e njerzeve te rene ne deshprim gjejne forca per te shmangur idene e vetevrasjes si menyre shpetimi. Ata qe nuk i kane forcat e brendshme dhe u mungon kurjua per tedalle perfundojne ne veteevrasje te ndergjegjshme. Shumica e atyre qe vrasin veten, kane difekte te ngalura ne procesin e edukimit dhe rritjes per t’u orientuar ne marredhenie me njerezit dhe ne kuptimin e tolerances progresive dhe nevojes per te qen optimist ne cdo deshtim qe sjell tronditje ne synimet perkatese. Keta tipa te shkurajuar synimin e kthejne ne kaprico te semure dhe per ta nuk ka recet sherimi. Keta jane simulant te kapricos se tyre, simulojne vetevrasjen si menyre argetimi, ngjashmerisht me ata qe simulojne semundje te tjera per te terhequr vemendjen dhe te perfitojne kujdesin e te tjereve.